ഗ്ലോബൽ ജി എൻ എസ് എസിൻ്റെ ആഭിമുഖ്യത്തിൽ ഗുരുവായൂരിൽ തിരുവാതിരക്കളിയും രാമായണ പാരായണവും

ഗുരുവായൂർ: ഗ്ലോബൽ നായർ സർവ്വീസ് സൊസൈറ്റി (GNSS) മഹിളാ വിഭാഗം ജനനിയുടെ ആഭിമുഖ്യത്തിൽ കർക്കടക മാസം ഒന്നാം തിയ്യതി ഗുരുവായൂർ മേൽപ്പത്തൂർ ഓഡിറ്റോറിയത്തിൽ കാലത്ത് 6 മണി മുതൽ ഗുരു പ്രഭിത ജയദാസിൻ്റെ നേതൃത്ത്വത്തിൽ ശ്രീരാമചരിതം തിരുവാതിരക്കളി അവതരിപ്പിച്ചു.

ജി എൻ എസ് എസ് സംസ്ഥാന പ്രസിഡണ്ട് ഐ.പി.രാമചന്ദ്രൻ ഭദ്രദീപം കൊളുത്തി ആരംഭിച്ച തിരുവാതിരക്കളിക്ക് പ്രശസ്ത സംഗീതജ്ഞ ശ്രീദേവി വായ്പാട്ടും, ഗിന്നസ് റെക്കാർഡിന്ന് അർഹനായ ഗുരുവായൂർ ജ്യോതിദാസ് എടക്കയിൽ താളവും തീർത്തു. തുടർന്ന് GNSS മുതിർന്ന അംഗങ്ങൾ ഈ വർഷത്തെ രാമായണ പാരായണത്തിന് തുടക്കം കുറിച്ചു.