ഗുരുവായൂർ : ശ്രീഗുരുവായുരപ്പൻ ഭജന സമിതിയുടെ ശ്രീ വിഷ്ണു സഹസ്രനാമോത്സവ സുവർണ്ണ ജൂബിലി ആഘോഷം മൂന്നാം ദിവസമായ വ്യാഴാഴ്ച ക്ഷേത്രം മേൽശാന്തി ബ്രഹ്മശ്രീ പള്ളിശ്ശേരി മധുസൂധനൻ നമ്പൂതിരി വേദിയിൽ ശ്രീവിഷ്ണു സഹസ്രനാമ ദീപം സമർപ്പണം ചെയ്തു.
മണ്ണ് മണിവർണ്ണൻ നമ്പൂതിരി ഭാഗവതത്തിലെ ഭക്തിയെ കുറിച്ചും ശ്രീ തെക്കേടം ഹരി നാരായണൻ നമ്പൂതിരി നാരായണീയത്തിൻ്റെ കാലികപ്രസക്തി എന്ന വിഷയത്തെ ആസ്പദമാക്കിയും പ്രഭാഷണം ചെയ്തു .
വിശേഷാൽ വിഷ്ണു സഹസ്രനാമ പാരായണത്തിനുനിരവധി കുട്ടികളും കീഴ്ശാന്തി അന്തർജനങ്ങളും പങ്കെടുത്തുക്കൊണ്ട് ജപം നടന്നു. അതിനു ശേഷം എല്ലാവർക്കും മധുരപലഹാരങ്ങൾ വിതരണം ചെയ്തു ജപങ്ങൾക്ക് മേച്ചേരി കേശവൻ നമ്പൂതിരിയും മഞ്ചിറ കേശവൻ നമ്പൂതിരിയും നേതൃത്വം വഹിച്ചു.