ഗുരുവായൂർ : സ്വച്ഛതാ ഹി സേവ ശുചിത്വ കാമ്പയിന്‍റെ ഭാഗമായി ഗുരുവായുര്‍ നഗരസഭ ധനലക്ഷ്മി ബാങ്കിന്‍റെ സഹകരണത്തോടെ സെപ്തംബര്‍ 26 ന് രാവിലെ പടിഞ്ഞാറെ നടയിലുളള കെ എസ് ആര്‍ ടി സി ബസ് സ്റ്റാന്‍റ് പരിസരം ശുചീകരിച്ചു.
നഗരസഭ ജീവനക്കാരും തൊഴിയൂരിലെ ഐ സി എ കോളേജ് വിദ്യാര്‍ത്ഥികളും സംയുക്തമായാണ് ശുചീകരണ പ്രവര്‍ത്തനങ്ങള്‍ നടത്തിയത്. നഗരസഭ വൈസ് ചെയര്‍പേഴ്സണ്‍ അനീഷ്മ ഷനോജ് ഉദ്ഘാടനം നിര്‍വ്വഹിച്ചു. വികസന കാര്യ സ്ഥിരം സമിതി അദ്ധ്യക്ഷന്‍ എ എം ഷെഫീര്‍, ക്ലീന്‍ സിറ്റി മാനേജര്‍ കെ എസ് ലക്ഷ്മണന്‍, കൗണ്‍സിലര്‍മാര്‍ ജീവനക്കാര്‍ തുടങ്ങിയവര്‍ നേതൃത്വം നല്‍കി.
2024 സെപ്തംബര്‍ 17 മുതല്‍ ഒക്ടോബര്‍ 2 വരെ നടക്കുന്ന ഈ വര്‍ഷത്തെ കാമ്പയിന്‍റെ ഭാഗമായി വിവിധ പ്രവര്‍ത്തനങ്ങള്‍ തുടര്‍ന്നും വരും ദിവസങ്ങളില്‍ നടക്കുന്നതാണ്. നഗരസഭ ചെയർമാൻ എം കൃഷ്ണദാസ് പറഞ്ഞു.
