കേരള സംസ്ഥാന സ്കൂൾ കായികമേളയിൽ 66 കി.ഗ്രാം വിഭാഗം ബോക്സിങ്ങിൽ വെങ്കല മെഡൽ ജേതാവിനെ സേവാഭാരതി കോട്ടപ്പടി യൂണിറ്റ് ആദരിച്ചു.

ഗുരുവായൂർ: കേരള സംസ്ഥാന സ്കൂൾ കായികമേളയിൽ 66 കി.ഗ്രാം വിഭാഗം ബോക്സിങ്ങിൽ വെങ്കല മെഡൽ നേടിയ
ഏനാമാക്കൽ സെൻ്റ് ജോസഫ് ഹൈസ്കൂളിലെ ഒമ്പതാം ക്ലാസ് വിദ്യാർത്ഥിയും, വെങ്കിടങ്ങ് എടക്കാട്ട് വീട്ടിൽ ധനേഷിൻ്റെയും ജിഷയുടെയും മകനും, കോട്ടപ്പടി  പോലിയത്ത് ഉണ്ണിയുടെയും രാധയുടെയും കൊച്ചുമകനുമായ ദേവർശ്നെ സേവാഭാരതി കോട്ടപ്പടി യൂണിറ്റ് ആദരിച്ചു. സേവാഭാരതി ഗുരുവായൂർ യൂണിറ്റ് പ്രസിഡൻ്റ് ഡോ:ബാലകൃഷ്ണൻ നേതൃത്വം നൽകി. ദിലീപ്, സതീഷ് കൊട്ടിലിങ്ങൽ, ശ്രീജിത്ത്, വിമൽ പി.എ, ഗിരീഷ് കുമാർ, രാജേഷ്, സുബീഷ് എന്നിവർ പങ്കെടുത്തു.