ഗുരുവായൂർ: ഗുരുവായൂർ ക്ഷേത്രത്തിലെ ഉപദേവതയായ ഇടത്തരികത്തുകാവിൽ ശ്രീഭഗവതിക്ക് ഗുരുവായൂർ ദേവസ്വം ആഭിമുഖ്യത്തിൽ കൊല്ലം തോറും നടത്തിവരാറുള്ള ദേവസ്വം വക താലപ്പൊലി മഹോത്സവം ഫെബ്രുവരി 7ന് വെള്ളിയാഴ്ച നടക്കും. ആചാര അനുഷ്ഠാനങ്ങളോടെയും വൈവിധ്യമാർന്ന കലാപരിപാടികളോടെയുമാണ് ഇത്തവണയും താലപ്പൊലി മഹോത്സവം. രാവിലെ 3 മണി മുതൽ അഭിഷേകം, അലങ്കാരം .5 മണി മുതൽ കേളി, ഉച്ചക്ക് 12 മുതൽ 2 വരെ പഞ്ചവാദ്യം . 2 മുതൽ 4 വരെ മേളം പത്മശ്രീ പെരുവനം കുട്ടൻ മാരാർ, കോട്ടപ്പടി സന്തോഷ് മാരാർ & പാർടി
വൈകുന്നേരം നാലു മുതൽ കിഴക്കേ നടപ്പുരയിൽ പറ. തുടർന്ന് നാദസ്വരത്തോടെ കുളപ്രദക്ഷിണം. സന്ധ്യയ്ക്ക് 6.30 മുതൽ ദീപാരാധന, ദീപാലങ്കാരം കേളി. 7 മുതൽ തായമ്പക പല്ലശ്ശന സുധാകരൻ മാരാർ & പാർട്ടി. രാത്രി 10 മുതൽ എഴുന്നള്ളിപ്പ്. 10 മുതൽ 12.30 വരെ, പഞ്ചവാദ്യം 12.30 മുതൽ മേളം. 2 മുതൽ കളംപാട്ട്, കളംപൂജ എന്നിവ ഉണ്ടാകും.
മേൽപുത്തൂർ ആഡിറ്റോറിയത്തിൽ വിശേഷാൽ കലാപരിപാടികൾ അരങ്ങേറും. അന്നേ ദിവസം രാവിലെ 6.30 മുതൽ അഷ്ടപദി – ജി എൻ രാമകൃഷ്ണൻ. 8 മുതൽ 9 വരെ ആദ്ധ്യാത്മിക പ്രഭാഷണം. – ഡോ ഇ ശ്രീധരൻ സന്ധ്യയ്ക്ക് 5 മുതൽ 6 വരെ തിരുവാതിരക്കളി ( ക്ഷേത്രം ഉരൽപ്പുര ജീവനക്കാർ). വൈകീട്ട് 6 മുതൽ 8വരെ മോഹിനിയാട്ടം – ഡോ കലാമണ്ഡലം വിദ്യാ റാണി. രാത്രി 8 മുതൽ കഥകളി – കഥ – കർണ്ണശപഥം
