ഗുരുവായൂർ: ഗരുവായൂർ ലിറ്റിൽ ഫ്ളവർ കോളേജിലെ മൾട്ടിമീഡിയ ഡിപ്പാർട്ട്മെൻ്റിൻ്റെ ആഭിമുഖ്യത്തിൽ നടത്തുന്ന ദ്വിദിന ഫിലിം ഫെസ്റ്റിവലായ എം എൽ എഫ് 2 ഇൻ്റർനാഷണൽ ഫിലിം ഫെസ്റ്റിവലിന് തുടക്കമായി. പ്രശസ്‌ത പുതുമുഖ സംവിധായകൻ എം സി ജിതിൻ ഉദ്ഘാടനം നിർവ്വഹിച്ചു.
സൂക്ഷ്‌മദർശിനി, നോൺസെൻസ് എന്നീ സിനിമകളുടെ സംവിധായകനായ ജിതിൻ തൻ്റെ വിജയ ഗാഥകളെ കുറിച്ചും അതിൽ നേരിടേണ്ടി വന്ന വെല്ലുവിളികളെ കുറിച്ചും ഉദ്ഘാടന പ്രസംഗത്തിൽ സംസാരിച്ചു. മൾട്ടി മീഡിയ ഡിപ്പാർട്ട്മെന്റിന്റെ ആഭിമുഖ്യത്തിൽ നടന്ന വിവിധ മത്സരങ്ങൾക്ക് അവാർഡ് നല്‌കുകയും തുടർന്ന് മൾട്ടിമീഡിയ വിദ്യാർത്ഥികളോടൊപ്പം സംവദിക്കുകയും ചെയ്തു. ചടങ്ങിൽ കോളേജ് പ്രിൻസിപ്പാൾ റവ ഡോ സിസ്റ്റർ ജെ ബിൻസി, ഡിപ്പാർട്ട്മെൻ്റ് എച്ച് ഒ ഡി സിസ്റ്റർ ജിൻസ കെ ജോയ്, അസിസ്റ്റന്റ്റ് പ്രൊഫസർമാരായ ജിത്തു ജോർജ്ജ്, നിധീഷ് വി ജെ യും ഇംഗ്ലീഷ് ഡിപ്പാർട്ട്മെന്റിലെ അസിസ്റ്റൻ്റ് പ്രൊഫസർ ഡോ ശില്‌പ ആനന്ദും വേദി പങ്കിട്ടു.
