ഗുരുവായൂർ: ഭൂലോകവൈകുണ്ഠമായ ഗുരുപവനപുരിയിൽ ഗുരുവായൂർ അഷ്ടമിരോഹിണി ആഘോഷക്കമ്മിറ്റി സംഘടിപ്പിക്കുന്ന അഷ്ടമിരോഹിണി മഹോത്സവത്തിന്റെ ഭാഗമായുള്ള ബ്രോഷറിന്റെ ആദ്യ കോപ്പി പ്രകാശന കർമ്മം ഗുരുവായൂർ ദേവസ്വം ചെയർമാൻ ഡോ വി കെ വിജയൻ, ക്ഷേത്രം കീഴ്‌ശാന്തി കുടുംബത്തിലെ കാരണവർ കിഴിയേടം രാമൻ നമ്പൂതിരിക്കും, രണ്ടാമത്തെ കോപ്പി പ്രശസ്ത സിനിമ-സീരിയൽ-നാടക നടനും കേരള സംഗീത നാടക അക്കാദമി അവാർഡ് ജേതാവുമായ രമേശ് കോട്ടയത്തിനും നൽകി നിർവഹിച്ചു.
ചടങ്ങിൽ വി അച്യുതക്കുറുപ്പ്, വി പി ഉണ്ണികൃഷ്ണൻ, സുവർണ മനോജ്, നിർമ്മലൻ മേനോൻ, കെ രവീന്ദ്രൻ നമ്പ്യാർ, പി ടി ചന്ദ്രൻ നായർ, മിനി നായർ, സതി കുറുപ്പ്, ശ്രീകൃഷ്ണൻ, ഒ വി രാജേഷ്, എ വാസുദേവ കുറുപ്പ്, പ്രണവ് രാജേഷ് എന്നിവർ പങ്കെടുത്തു
